Të nderuar përfaqësues të mediave,
Caritas-i Shqiptar, si pjesë përbërëse e rrjetit të Caritas-it Ndërkombëtar është bashkuar në fushatën globale “Një familje njerëzore, ushqim për të gjithë”, shpallur nga Papa Françesku, më 10 Dhjetor 2013, në Ditën Ndërkombëtare të të Drejtave të Njeriut, në 164 vende të botës. Në kuadër të fushatës, në datat 13-19 Tetor 2014, është parashikuar të organizohet “Java e Veprimit” në luftën kundër urisë në mbarë botën.
Caritas-i Shqiptar me qëllim sensiblizimin e shoqërisë në luftën kundër urisë, më datë 14.10.2014, ora 10:00, do të organizojë Meshën e Shenjtë së bashku me një program të veçantë kushtuar të drejtës për ushqim, në Katedralen e “Shën Palit”, Tiranë.
“Isha i uritur dhe më dhatë të ha. Fjalët e Zotit tonë vijnë tek ne sot, duke na treguar të mos largohemi, indiferentë, kur e dimë se i afërmi ynë është i uritur”, Papa Françesku.
PROGRAM
MESHA E SHENJTË
14.10.2014, ora 10:00
Katedralja e “Shën Palit”, Tiranë
Lexime nga tre punonjës të Caritas-it Shqiptar të urdhërimeve për një të ardhme pa uri
Video: Dy mesazhe nga Papa Françesku, në mbështetje të fushatës globale “Një familje njerëzore, ushqim për të gjithë”
Video: Dy video të realizuara nga rrjeti i Caritas-it Ndërkombëtar
Video: Shpërndarja e paketave ushqimore për të varfërit nga Caritas-i Shqiptar
Fjalimet nga drejtuesit e Caritas-it Shqiptar
Imzot George Frendo, President i Caritas-it Shqiptar
dhe Dr. Albert Nikolla, Drejtor i Caritas-it Shqiptar
Ushqim për të gjithë, në mjediset e Katedrales