Koordinator/ Ekspert Migracioni

Organizata: Caritas Shqiptar

Pozicioni: Koordinator/ Ekspert Migracioni

Departamenti: Anti-Trafikimi dhe Migracioni

Vendodhja: Tirane

Varet & raporton tek: Menaxheri i Projektit

Konteksti/Përmbledhje e punës:

Caritas-i Shqiptar në bashkëpunim me UNHCR po zbaton një projekt në mbështje të të drejtave të refugjatëve dhe azil-kërkuesve që identifikohen në Shqipëri. Qëllimi i projektit është mbrojtja dhe ofrimi me dinjitet i shërbimeve për këta persona. Ky qëllim do të arrihet përmes mbështetjes humanitare duke rritur aksesin e tyre në infomacion, këshillim, ushqim, veshmbathje dhe përkthim.

Koordinatori do të punojë me kohë të pjesshme dhe është përgjegjës për zbatimin e projektit, punën në zyrë, logjistikën, përgatitjen e raporteve për Caritas-in Shqiptar, bashkëpunim me aktorë të tjerë lokalë, kryerjen e të gjitha aktiviteteve të projektit dhe koordinimin, shpërndarjen e monitorimin e ndihmave humanitare (NFIs).

Projekti zbatohet në nivel kombëtar dhe zonat që do të mbulojë koordinatori janë Tirane dhe Durres.

Përgjegjesitë Specifike

Të koordinojë çeshtjet logjistike në zonën e implementimit të projektit.
Të identifikoje persona me vulnerabilitete specifike.
Të asistoje me këshillim dhe informacion refugjatet dhe azilkerkuesit rreth të drejtave nderkombëtare për migrimin dhe azilin.
Të bashkëpunoje me stafin për çeshtjet e migracionit duke berë analiza të trendeve dhe situatës së migracionit në vend, në nivel rajonal dhe në nivel global.
Të informoje përfituesit rreth procedurave të azilit në territorin shqiptar.
Të njohe mekanizmat e referimit per personat ( migrante, refugjate, azilkerkues) vulnerabel
Të asistojë në nivel lokal që prokurimi i artikujve bazë të bëhet në kohën e duhur.
Të koordinojë aktivitetet e projektit në zonën e përgjegjësisë.
Të krijojë dhe mbajë marrëdhënie të shkëlqyera bashkëpunimi pune me aktorët lokalë dhe anëtarët e komunitetit.
Të sigurohet që të gjithë aktivitetet të jenë të koordinuara me stafin e projektit në Caritas Shqiptar dhe UNHCR.
Të ndihmojë në koordinimin, furnizimin dhe shpërndarjen e ndihmave humanitare sipas nevojave të projektit.
Të përgatisë raporte sipas nevojave të projektit.
Të mbajë përgjegjësi për magazinimin e materialeve të blera dhe shpërndarjen e tyre në bazë të librit të magazinimit.
Të angazhohet edhe jashte orarit të punës.

Kualifikimet

Të ketë përfunduar studimet e avancuara në shkencat Juridike apo Sociale.
Eksperiencat e punës në një nga fushat do të merren parasysh.
Preferohet person me eksperiencë të paktën 1 vjeçare në zbatim projektesh me tema sociale dhe donatorë ndërkombëtarë.
Është e detyrueshme të ketë njohuri shumë të mira të gjuhës angleze.
Është e detyrueshme të ketë njohuri shumë të mira kompjuterike.
Është e detyrueshme të ketë patentë makine të klasit B dhe makine personale për të levizur sipas nevojave të punës.

Kërkesat e punës – Njohuritë, Aftësitë, Eksperiencat:

Aftësi në zgjidhjen e problemeve komplekse, si dhe aftësi të mira komunikimi & ndërveprimi.
Aftësi për të bashkëpunuar në mënyrë efektive me kolegët, përfituesit e projektit, policinë, përfaqësues të qeverisë dhe partnerëve lokalë.
Aftësi të mira organizative.
Aftësi për të menaxhuar kohën me efektivitet dhe gadishmëri të udhëtojë në distanca të ndryshme.
Aftësi në kryerjen e detyrave dhe mbajtjen e pëgjegjësive gjatë zhvillimit të punës.
Aftësi për të punuar dhe kontribuar në grup.
I gatshëm për tu përgjigjur nevojave me natyrë humanitare të organizatës.
Angazhim ndaj vlerave dhe Misionit të Caritas-it.
Të respektojë gjatë punës Doktrinën Sociale të Kishës Katolike.

Dokumentacioni i nevojitur për aplikim

Letër motivimi
CV e detajuar
2 kontakte për referencë nga përgjegjës në punë të mëparshme
2 letra reference nga punët e mëparshme

Afati i dorëzimit të dokumentacionit

Dokumentat e nevojitura duhen të dërgohen në adresën Rruga -Don Bosko; Nr. 4 Tiranë; Tel: + 355 4 22 30088.

ose në adresat e emailit caritasalbania@caritasalbania.org / a.mitri@caritasalbania.org

Afati i fundit për dërgimin e dokumentave është data 2.09.2024

Kohëzgjatja e pozicionit është nga data 5 shtator 2024 deri me 31 dhjetor 2024. Ky pozicion mbyllet sipas datës së parashikuar në njoftim.

Ju njoftojmë se do të kontaktohen për intervistë vetëm personat e përzgjedhur.